Shomurodov jamoada qolishi kerak! - "Roma" muxlislari legionerimizni qo‘llab-quvvatlamoqda

A Seriyaning 22-turidan o‘rin olgan "Udineze" - "Roma" bahsi yakuniga etdi. Mazkur bellashuvda rimliklar 1:2 hisobidagi g‘alabani qo‘lga kiritdi. 

Dastlab, 38-daqiqada mezbonlar futbolchisi Lukka hisobni ochgan bo‘lsa, 50-64-daqiqalarda "Roma" penaltilardan Pellegrini va Dovbik unumli foydalangan holda g‘alabani ilib ketdi.

Bellashuvdan so‘ng, "Roma"ning Instagram sahifasidagi "Udineze" mag‘lub etilgani haqidagi natija postining izohlarida klubning ko‘plab muxlislari Shomurodovni qo‘llab-quvvatlashmoqda.

Muxlislar futbolchining bugungi bahsni butunlay o‘zgartirib yuborgani va jamoaning g‘alabasi uchun asosiy sababchilardan biri ekanligi haqida yozishmoqda. 

Izohlarda muxlislar: 

• "Bugun maydonda 11 ta Shomurodov bo‘lganida edi. U o‘yinni o‘zgartirdi..."
   
• "Ishonamanki Shomurodov mavsum yakuniga qadar jamoada qoladi. U qiyin vaziyatlarda katta sahnaga chiqa oladi"
   
• "Shomurodov maydondagi eng yaxshi futbolchi bo‘ldi"

- deya o‘z fikrlarini qoldirishmoqda.

Ma’lumot uchun, avvalroq Eldor Shomurodovning "Roma"ni tark etishi va "Venetsiya" klubiga qo‘shilishi haqida xabarlar tarqalgan edi