Shomurodovni Rimni zabt etgan qahramonga tenglashtirishmoqda
Italiya A Seriyasining 26-turida Eldor Shomurodovning “Jenoa”si Rimda “Roma” bilan o‘zaro kuch sinashadi.
Bu jamoalar shu paytga qadar jami 116 marta to‘qnash kelgan va ustunlik rimliklar tomonida ekanini aytish joiz. “Bo‘rilar” shu uchrashuvlardan 56 tasida zafar quchgan, 25 marta kuchlar teng kelgan va 35 ta o‘yinda genuyaliklar g‘olib bo‘lgan. To‘plar nisbatidagi ustunlik ham “Roma” tomonida – 184:122.
“Jenoa” futbolchilari “Roma”ni 2014 yildan buyon taslim qila olmayapti. Shundan beri rimliklar o‘nta uchrashuvda genuyaliklarni tiz cho‘ktirgan va uch marta ochko bo‘lishga xolos.
Bugungi o‘yin oldidan “Jenoa” muxlislari o‘z fikr-mulohazalarini bildirdi. Odatdagidek, asosiy nishon jamoaning hujum chizig‘i bo‘ldi. E’tiboringizga, muxlislar qoldirgan izohlarni havola etamiz.
Virginio Manco:
Ballardini tarkibni qanday shakllantirganiga juda qiziqyapman. To‘rta uchrashuvdan beri g‘alaba qozona olmayapmiz. Shomurodov va Zayts kabi futbolchilarni maydonga tushirmaslik kerak.
Martino Masciullo:
“Roma” qarshi o‘yin juda og‘ir bo‘ladi, lekin jamoaga ishonaman. Ijobiy natija qayd etishda zaxira o‘rindig‘idagi futbolchilarimiz asosiy omil bo‘ladi. Shomurodov va Pandev uchrashuv davomida o‘yinga qo‘shilib, charchab qolgan raqibga qarshi bahsda natija qila oladigan hujumchilardir. “Roma” esa Evropa Ligasi o‘yinlari bilan ancha toliqib qolgan bo‘lishi kerak.
Maurizio Ambriani:
Hujum chizig‘imiz kuchsizligini inobatga olib, g‘alaba uchun imkoniyatimiz juda past. Destro, Skamakka, Pandev va Shomurodov qisqa muddatda muvaffaqiyatli o‘ynay oladi xolos. Pyontek kabi barqaror to‘purarimiz yo‘q.
Chiara Cisario:
Ballardini tarkibdan Shomurodovni olib tashlashiga umid qilaman. Men uning ishonchsiz o‘yinini ko‘rgim kelmayapti.
Pierluigi Pagliara: (Chiara Cisario fikriga javoban)
Men esa aksincha, Eldorga ishonaman. Bunda tarixiy mantiq bor. Bir zamonlar osiyolik Atilla Rimni zabt etgan edi. Balki bu gal Rimni osiyolik futbolchi Shomurodov tiz cho‘ktirar?
Luigi Centonze:
Bizning asosiy ustunligimiz – standart vaziyatlar va shiddatli o‘yin. Shu boiz hujumga baquvvat yigitlar – Shomurodov va Skamakkani qo‘yish kerak. Bu tandemdan anchadan beri foydalanmadik. Ular o‘z quvvati bilan raqibni qiynaydi.
Davide De Matteis:
Men tavakkal qilib, uchta hujumchi bilan o‘ynashni taklif qilaman. “Roma”ning himoyasi zaifligini inobatga olib, 3-4-3 sxemasini qo‘llash kerak. Bu usul Shomurodov, Destro va Pandevdan bir paytning o‘zida foydalanish imkonini beradi.
Maurizio Dell'Accantera:
Biz 2:1 hisobida g‘alaba qozonishimizga ishonaman. Destro va Shomurodov gol uradi. Mattia uzoq masofadan, Eldor esa boshi bilan aniq zarba yo‘llaydi!
Fikrlar