"So‘g‘diyona" "Mash’al"ga qarshi o‘yinga Buxoroda tayyorgarlik ko‘radi

Yangi mavsumga tayyorgarlikning so‘nggi bosqichini Toshkent shahrida olib borgan "So‘g‘diyoea" jamoasi kecha mazkur yig‘inni tugatib, Jizzax shahriga qaytdi. Bu haqda klub matbuot xizmati xabar tarqatdi.

Besh kunlik tanaffusdan so‘ng 22 fevral kuni jamoa a’zolari Jizzaxda yig‘iladi va 25 fevralda esa "bo‘rilar" Buxoro shahriga yo‘l olishadi. Buxoroda bir necha kun mashg‘ulotl o‘tkazib, shu orqali Superliga birinchi bahsiga, "Mash’al" jamoasiga qarshi o‘yinga tayyorgarlik ko‘riladi.

Ma’lumot uchun, Superliga 1-turidan o‘rin olgan "Mash’al"-"So‘g‘diyona" bahsi 29 fevral kuni "Bahrom Vafoev" stadionida soat 14:30 da bo‘lib o‘tadi.