Soriya o‘z darvozasiga gol urgan “Xetafe” tarixidagi navbatdagi darvozabon bo‘ldi (video)

“Xetafe” klubi posboni David Soriya kecha La Liganing 5-turida “Atletiko”ga (0:2) qarshi bo‘lib o‘tgan o‘yinda raqib futbolchisi Toma Lemarning zarbasidan so‘ng o‘z darvozasini ishg‘ol etib qo‘ydi.

E’tiborlisi, Soriya shu tariqa so‘nggi 12 yil ichida ilk bor avtogolga mualliflik qilgan “Xetafe” darvozaboniga aylandi.

Qayd etish lozimki, so‘nggi marta 2006 yilning noyabrida “Xetafe” darvozaboni Pato Abbondaseri “Vilyarreal”ga (0:1) qarshi o‘yinda o‘z darvozasiga gol urib qo‘ygan edi.