"Spartak" endi "Napoli" futbolchisiga e’tibor qaratmoqda

Moskvaning "Spartak" klubi rahbariyati jamoaning o‘ng qanot himoyasini kuchaytirish uchun yana bir nomzodni topib qo‘ydi.

Jurnalist Nobel Arustamyanning yozishicha, agar rus grandi "Tottenxem" himoyachisi Serj Oreni sotib ololmasa, u holda bor e’tiborini "Napoli" futbolchisi Elseid Xyusayga qaratadi. “Spartak” 26 yoshli albaniyalik futbolchi bilan allaqachon dastlabki muzokaralarni ham o‘tkazgan.

Orening Rossiyaga kelishi esa oilaviy sabablarga ko‘ra barbod bo‘lishi mumkin.