"Sport" telekanali O‘zbekiston MTJning tarixiy kambekini namoyish etadi

"Sport" telekanali O‘zbekiston milliy terma jamoasi, klublarimizning xalqaro maydondagi tarixiy o‘yinlarini namoyish etib kelmoqda.

Telekanalning ijtimoiy tarmoqlardagi sahifasida yozilishicha, bugun JCh-2006 uchinchi saralash bosqichidan o‘rin olgan O‘zbekiston hamda Quvayt terma jamoasi o‘rtasidagi o‘yinni namoyish etadi. Yodingizda bo‘lsa, o‘sha bahsda vakillarimiz 0:2 hisobida ortda qolayotgan vaqtda kambek amalga oshirib, 3:2 hisobidagi irodali g‘alabani qo‘lga kiritishgan edi.

Mazkur tarixiy bellashuv soat 22:00 da namoyish etilishi rejalashtirilgan.