Sportchimiz Ispaniyada shohsupaga ko‘tarildi
Ali Ahmadxo’jayev
Bellashuvlar qizg‘in o‘tdi
Ispaniyaning Marbelya shahrida badiiy gimnastika bo‘yicha o‘tkazilgan Gran-pri musobaqasida mamlakatimiz sharafini Taxmina Ikromova munosib himoya qildi.
Taxmina Gran-pri turnirining ko‘pkurash bahslarida 111.650 ball to‘plab, shohsupaning uchinchi pog‘onasidan joy oldi.
Ushbu yo‘nalishda oltin va kumush medallar Taisiya Onofriychuk (Ukraina) va Sofiya Raffaeliga (Italiya) nasib etdi.
Eslatib o‘tamiz, Taxmina Ikromova so‘nggi bora 2024 yili Italiyaning Milan shahrida badiiy gimnastika bo‘yicha o‘tkazilgan jahon kubogining so‘nggi bosqichida yakkalik yo‘nalishida ikkita bronza medalga ega chiqqan edi.
Izohlar (0)