SPORTS.uz Belgrad-2021. Odiljon Aslanov amerikalik bokschidan uchralgan mag‘lubiyatga qanday izoh berdi?

Serbiyaning Belgrad shahrida boks bo‘yicha erkaklar o‘rtasidagi jahon chempionati qizg‘in pallaga kirib ulgurdi.

O‘zbekiston sharafini himoya qilishi belgilangan yana bir bokschimiz Odiljon Aslanov (-80 kg) nimchorak finalda amerikalik Robbiy Gonsalesga to‘qnash keldi.

Qiyin kechgan jangda vakilimiz kutilmaganda, imkoniyatni boy berdi. Jangdan so‘ng Odiljon Aslanov SPORTS.uz saytiga mag‘lubiyat sabablari haqida gapirdi. 

- Ko‘ngildagidek jang o‘tkaza olmadim. Ustozlarim aytganlarining 20 foizini bajardim holos. Ikkinchi raundda taqiqlangan zarbalarni ko‘p yo‘lladim. Shuning uchun ko‘p vaqt yo‘qotdim.

Jahon chempionati yaxshi o‘tyapti. Qolgan bokschilarimizga omad tilayman, - dedi Odiljon Aslanov.