Taekvondo WT. Terma jamoamiz "Turkish Open" turnirida muvaffaqiyatli qatnashishdi

Turkiyaning Anqara shahrida taekvondo WT bo‘yicha “Turkish Open” musobaqasi o‘z nihoyasiga etdi. Musobaqaning so‘nggi kunida dayanga chiqqan sakkiz nafar hamyurtimizning yarmi g‘olib va sovrindorlar qatoridan joy oldi. Ahamiyatlisi, -74 kg vazn toifasida ikki nafar hamyurtimiz Jasur Jaysunov hamda Najmiddin Qosimxo‘jaev o‘zaro bahs olib borishdi. Qiziqarli uchrashuvda Osiyo chempioni Jaysunovning qo‘li balandi keldi. Umumiy hisobda O‘zbekiston kattalar terma jamoasi mazkur musobaqani 3 ta oltin, 1 tadan kumush hamda bronza medallari bilan yakunlashdi. Barcha g‘olib va sovrindorlar:

Oltin medal:
-74 kg: Jasur Jaysunov
-87 kg: Nikita Rafalovich
-49 kg: Madinabonu Mannopova

Kumush medal:
-74 kg: Najmiddin Qosimxo‘jaev

Bronza medal:
-54 kg: Omonjon Otajonov

Shuningdek, musobaqaning kadetlar toifasida Islom Akchurin hamda Azizbek Sattorov oltin, Laylo Hasanova bronza medalini qo‘lga kiritdi.

Manba: MOQ