Ten Xag: Har bir ochko uchun jang qilamiz

Erik ten Xag "Manchester Yunayted" Chempionlar ligasi yo‘llanmasi uchun kurashishi haqida gapirdi. 

"Men imkoniyat boy berilgan, deb hisoblamayman. Biz kurashni davom ettiramiz. 

Bu haftada bo‘lib o‘tgan uchta uchrashuvda ham g‘alaba qozonishimiz mumkin edi. "Brentford"ga qarshi bahs eng yomoni bo‘ldi va biz g‘alaba qozonishga loyiq emasdik. 

Har bir ochko uchun kurashamiz va qaerga borishimiz mumkinligini ko‘ramiz. Kurashda ancha ortdamiz, ammo har bir ochko uchun jang qilamiz", - dedi mankunialiklar ustozi.