Tennischilarimiz “Rolan Garros” turnirida qatnashadi

24 may – 7 iyun kunlari tennis olamidagi eng nufuzli startlardan biri – “Rolan Garros” turniri bo‘lib o‘tadi. Ayni paytda ushbu musobaqaning saralash bahslari o‘tkazilmoqda.

Mamlakat tennis federatsiyasining ma’lum qilishicha, unda o‘zbekistonlik raketka ustalari ham ishtirok etishadi. Jahon tasnif jadvalidа 89-pog‘onani egalab turgan Kamila Rahimova turnirning asosiy davrasiga to‘g‘ridan to‘g‘ri yo‘l olgan. Mariya Timofeeva (119) hamda Polina Kudermetova (125) esa ishtiroklarini saralash bosqichidan boshlashadi. Bugun tennischilarimiz kvalifikatsiyaning ilk davrasida quyidagi raqiblariga qarshi kortga chiqishadi:

Mariya Timofeeva – Breys Kedens (Kanada, 202)
Polina Kudermetova – Anouk Kovermans (Niderlandiya, 158)

Shuningdek, o‘smirlar toifasidagi bahslarda 18-reytingda joylashgan Nikita Belozersev ham qatnashadi. Bu haqida MOQ xabar bermoqda.