Toshkent katta xalqaro musobaqaga mezbonlik qiladi
Unda tashkilotga a’zo milliy federatsiya va assotsiatsiya vakillari ishtirok etishdi. Yurtimiz nomidan O‘zbekiston sambo assotsiatsiyasi raisi Alisher Alimov mazkur Kongressda qatnashdi.
Bugun, 8 iyun kuni Astana shahrida Osiyo-Okeaniya sambo uyushmasining navbatdagi Kongressi tashkil etildi.
Kongress davomida bir qator tashkiliy masalalar ko‘rib chiqildi. Shu jumladan, oldinda turgan musobaqa mezbonlari ham aniqlandi.
Unga ko‘ra, 2025 yil sambo bo‘yicha Osiyo va Okeaniya chempionati mezbonligi uchun Toshkent shahri da’vogarlik qilgandi. Unga ko‘ra, poytaxtimiz varianti bir ovozdan qo‘llab-quvvatlandi.
Shu tariqa, 2 yildan keyingi Osiyo-Okeaniya chempionati O‘zbekiston poytaxti Toshkent shahrida o‘tkaziladigan bo‘ldi.
Yoshlar siyosati va sport vazirligi matbuot xizmati
Fikrlar