«Tottenxem» Pedro Porroni «Barselona» va «Real» uchun 90 mln yevroga baholadi
«Barselona» va «Real» «Tottenxem» himoyachisi Pedro Porroni 90 million yevro atrofida rekord summaga sotib olishni o‘rganmoqda.
«Barselona» «Tottenxem» himoyachisi Pedro Porroni yozgi transfer oynasi uchun maqsadlar ro‘yxatiga kiritdi. Londonliklar futbolchi uchun kamida 90 million yevro talab qilmoqda.
Jurnalist Grem Beylining TEAMtalk nashrida xabar berishicha, «Barselona» va Madriddning «Real» klublari 2027 yilda Porroni o‘z safiga qo‘shib olishga qiziqish bildirgan. Futbolchining vakillari har ikki klub bilan aloqaga chiqib, ehtimoliy transfer masalasini o‘rganmoqda.
«Tottenxem» ispaniyalik futbolchi uchun 75 million funt sterling, ya’ni taxminan 88,6 million yevro va qo‘shimcha bonuslar talab qilmoqda. Bu summa o‘ng qanot himoyachilari uchun jahon transfer rekordini yangilashi mumkin. Hozirgi rekord 2021 yilda PSJ «Inter»dan Ashraf Hakimiyni 67 million yevroga sotib olganida qayd etilgan.
Porro o‘tgan yozda «Tottenxem» bilan shartnomasini yana besh yilga uzaytirgan. Bu esa londonliklarga muzokaralarda ustunlik beradi. Ispaniyalik futbolchining ayni paytdagi bozor qiymati 45 million yevroga baholanmoqda.
Himoyachining kelajagiga jamoaning maydondagi natijalari ham ta’sir qilishi mumkin. Porro yangi shartnomani Roberto De Dzerbi qo‘l ostida «Tottenxem» raqobatbardosh jamoaga aylanishiga ishongan holda imzolagandi.
Izohlar (0)