“Valensiya” APL futbolchisini nishonga oldi

Ispaniyaning “Valensiya” klubi Angliyaning “Vest Xem” jamoasi hudumchisi Xaver Ernandesga qiziqish bildirmoqda. Bu haqda Super Deporte nashri ma’lum qilmoqda.

Ma’lumotlarga ko‘ra, “ko‘rshapalaklar” qishki transfer oynasida hujum chizig‘ini kuchaytirmoqchi va Chicharito klubning asosiy transfer maqsadi bo‘lib turibdi. “Valensiya” meksikalik futbolchini ijaraga olmoqchi.

30 yoshli Chicharito 2017 yilning yozida “Bayer”dan “Vest Xem” safiga kelib qo‘shildi. Transfer miqdri 17,8 million evroni tashkil qildi. Joriy mavsumda hujumchi APLning 14 o‘yinida maydonga tushib, 4 ta golga mualliflik qildi.