Xavi: "Hammamiz shuni xohlagandik"

Xavi Jerar Pikening so‘nggi o‘yinidan keyin o‘z fikrlari bilan o‘rtoqlashdi. 

Kataloniya klubi La Liga 13-turi doirasida "Almeriya"ni 2:0 hisobida taslim qildi. Pike uchrashuvni asosiy tarkibda va jamoa sardori sifatida boshladi: 

"Barchamiz uchun, ayniqsa Jerar uchun tarixiy oqshom. U ajoyib o‘yin o‘tkazdi. Hammamiz shuni xohlagandik. 

Bahs qanchalik muhim bo‘lsa, Pike shunchalik yaxshi harakat qiladi. Men unga "Barsa" afsonasi ekanligini aytdim va biz undan minnatdormiz", - dedi "ko‘k-anorranglilar" ustozi.