Xorijdagi legionerimiz boshqa chempionatga ko‘chib o‘tmoqchi

Joriy mavsum avvalida Gruziya chempionatiga ko‘chib o‘tgan hamyurtimiz Murod To‘ychiboev haqida eshitgansiz. U Kutaisining “Torpedo” klubi sharafini himoya qilyapti. Ammo legionerimizning shartnomasi tez orada yakuniga etadi.

Sports.uzga ma’lum bo‘lishicha, To‘ychiboev klubini o‘zgartirishi katta ehtimol bo‘lib turibdi. Boisi, unga Tailand klubi tomonidan jiddiy taklif tushgan. Hozirda muzokaralar davom etyapti. Agar tomonlar bir to‘xtamga kelishsa, To‘ychiboev Gruziyani tark etadi va faoliyatini Tailand chempionatida davom ettiradi. Voqealar rivojini kuzatishda davom etamiz.