Xurshid G‘iyosov yana "Bunyodkor"da!

Mavsumni Janubiy Koreya K2 Ligasi vakili hisoblangan "Anyang" klubida boshlagan hamyurtimiz Xurshid G‘iyosov O‘zbekistonga qaytib kelgani haqida xabar bergan edik.

So‘nggi ma’lumotlarga qaraganda, G‘iyosov ayni damda o‘zining sobiq jamoasi hisoblangan “Bunyodkor” tarkibida mashg‘ulotlarda ishtirok etmoqda. U faoliyatini aynan “qaldirg‘ochlar” safida davom ettirishi mumkin. Ammo, hozircha bu haqda rasmiy ma’lumotlar yo‘q.

25 yoshli futbolchi 2019 yilgi mavsumda “Bunyodkor” safida 25 ta o‘yinda maydonga tushib, raqiblar darvozasiga 12 ta gol urgan edi.