Yangi mavsumga "shovqinlarsiz" tayyorlanayotgan Superliga jamoasi ertaga Tojikiston klubiga qarshi maydonga tushadi

Superliganing yangi a’zosi – “Olimpik” go‘yo “sirli tulpor”ga o‘xshaydi. Chunki asosan O‘zbekiston yoshlar terma jamoasi negizini tashkil qiladigan jamoa Timur Kapadze boshchiligida ortiqcha “shovqinlarsiz" chempionatga tayyorlanyapti.

Tarkibda katta o‘zgarishlar bo‘lgani yo‘q. Asosan pro ligada o‘ynagan futbolchilar. Kapadze esa ular bilan yaxshi jamoani shakllantiryapti.

Ayni paytda “Olimpik” ham nazorat uchrashuvlarini o‘tkazishda davom etyapti. Oxirgi marta “Zomin” jamoasini 4:1 hisobida mag‘lubiyatga uchratgan debyutant bu safar Tojikistonning “Xo‘jand” klubiga qarshi maydonga tushadi. Ushbu jamoalar ishtirokidagi bahs ertaga “Do‘stlik” stadionida bo‘lib o‘tadi.