Yaxshiboevni to‘xtatib bo‘lmaydi. U yana ikkita gol urdi!

Belarus chempionatining navbatdagi turida “Shaxtyor” o‘z maydonida “Smolevichi” jamoasini qabul qildi.

Uchrashuvning ikkinchi bo‘limida ikki  marta raqib darvozasini aniq nishonga olgan Jasur Yaxshiboev jamoasining yirik hisobdagi g‘alabasiga munosib hissa qo‘shdi. 

Shu tariqa, o‘zbek legioneri Belarus chempionatida kiritgan gollari sonini 12 taga etkazib, to‘purarlar bahsida peshqadamlik mavqeini yanada mustahkamladi.

Shuningdek, Jasur Yaxshiboev uchrashuvning eng yaxshi futbolchisi, deb topildi.