Yil yakuniga ko‘ra O‘zbekiston dzyudo federatsiyasining eng yaxshi hakami nomi ma’lum

Yil davomida O‘zbekiston chempionatlari doirasida musobaqalarga supervayzerlar taklif etilgan bo‘lib, ular hakamlar ishini mustaqil baholab bordilar.

Baholash tasdiqlangan mezonlar bo‘yicha o‘tkazildi va barcha asosiy respublika musobaqalarini qamrab oldi. Kompleks baholash asosida O‘zbekiston dzyudo federatsiyasi hakamlarining yillik reytingi shakllantirildi.

Yil yakunlariga ko‘ra, O‘zbekiston dzyudo federatsiyasining eng yaxshi hakami sifatida EDUARD TSOY (Samarqand shahri) topildi. U nafaqat hakamlik sifati bo‘yicha eng yuqori baholar, balki intizom, kasbiy xulq-atvor, etikaga rioya qilish, supervayzerlar bilan o‘zaro munosabatlar va mavsum davomida ishlash barqarorligi kabi qo‘shimcha mezonlar majmuasi bo‘yicha ham reytingda 1-o‘rinni egalladi.

Bu haqida O‘zbekiston dzyudo federatsiyasi matbuot xizmati xabar bermoqda.