Yosh bokschilarimiz Osiyo chempionatida ochkolar bo‘yicha tengsiz bo‘lishdi

Iordaniyaning Amman shahrida boks bo‘yicha U15 va U17 yosh toifalaridagi Osiyo chempionati yakunlandi.

Musobaqaning so‘nggi kunida U17 toifasidagi final janglari o‘tkazildi. Unda bokschilarimiz 8 ta oltin, 7 ta kumush va 4 ta bronza medallariga sazovor bo‘ldi.

World Boxing tomonidan tashkil etilgan mazkur qit’a birinchiligida O‘zbekiston delegatsiyasi ochkolar bo‘yicha umumjamoa hisobida birinchi o‘rinni egalladi. Har ikki yosh toifasidagi bahslarda bokschilarimiz 15 tadan oltin va kumush, 12 ta bronza medallarini jamg‘arishdi.