“Yuve” nishonidagi Shomurodov raqobatga dosh berolmayapti!

  • 14 aprel, 2021, 04:05
  • Zohir Toshxo’jayev
  • 0
  • Futbol
TIGGO 2 PRO

O‘zbekiston milliy terma jamoasining 2022 yili Qatarda bo‘ladigan jahon chempionati yo‘llanmasi uchun kurashida muxlisu mutaxassislarimizning asosiy umidi, jamoamizning eng qudratli futbolchisi Eldor Shomurodov ekani hech kimga sir emas. Jahon futbolida terma jamoadagi kam sonli yulduzlar etakchilik qobiliyati va ishonchli o‘yini bilan sheriklarini mundialga olib chiqqan vaqealar ham uchrab turadi. Biz ham shunga umid qilamiz.

c6ec24d2111eb8f28df8127d6255a

Har holda Evropa futbolidan  nafas olayotgan Eldorning Osiyo terma jamoalariga qarshi samarali o‘yin ko‘rsatishi va bu orqali terma jamoamizga katta foyda keltirishiga ishonishga haqlimiz.

Evropa milliy chempionatlarida mavsumning oxiri ko‘rinib, yozgi transferlar jarayoni yaqinlashgan sari bo‘lajak oldi-berdilar haqida turli xabar, yangilik, sharhlar tobora ko‘payib bormoqda. Biz uchun muhim bo‘lgani Shomurodov faoliyatiga tegishli xabarlardir.

Xususan, Italiya matbuotida o‘z o‘rniga ega bo‘lgan Tuttosport va Gazzetta dello Sport nashrlari katta o‘zgarishlar va yangilanishlar arafasida turgan “Yuventus”ning Eldor Shomurodovni kuzatib borayotgani haqida yana xabar tarqata boshladi.

155809298_4350141568330063_2874769009010861647_o

A Seriyaning o‘tgan turida “Yuventus” o‘z maydonida “Jenoa”ni qabul qildi. Eldor ketma-ket ikkinchi uchrashuvda boshling‘ich tarkibda ko‘rinish bermadi. Davide Ballardini keyingi paytda Janluka Skamakkaga ishonch bildirmoqda. Italiyalik hujumchi ham ishonchni oqlamoqda. Skamakka oxirgi uchta uchrashuvda uchta gol urib, bitta golli pas oshirdi. Hatto, “Yuventus” posbonini ham o‘z darvozasidan gol olib chiqishga majbur qildi. Bu natija orqali Skamakka raqobatda o‘zbek legionerini boshlang‘ich tarkibdan siqib chiqarganini ham tan olish kerak.

“Jenoa” murabbiylar shtabi Krishtianu Ronaldu etakchiligidagi jamoaga qarshi o‘tkazilgan uchrashuvda Eldor Shomurodovni ikkinchi bo‘limda maydonga tushirib, qariyb yarim soat o‘ynatdi. Mutaxassislarning ta’kidlashicha, Eldor “Jenoa” mag‘lubiyatini tan olib, ijobiy natija uchun kuchi etmay, kurashishni to‘xtatgan pallada o‘yinga qo‘shildi. Bunday vaziyatda o‘zini ko‘rsatish esa amri mahol.

Shunga qaramay, Shomurodov juda faol o‘ynadi.  Whoscored sayti mutaxassislari fikriga ko‘ra, o‘zbekistonlik legioner uchrashuvning so‘nggi 30 daqiqasida eng yaxshi o‘ynagan futbolchilardan biri bo‘ldi va shunga yarasha unga berilgan baho 6.2 ballni tashkil qildi. Har holda yomon ko‘rsatkich emas.

O‘yin tahlili bilan shug‘ullangan ekspertlar Shomurodov o‘zi o‘ynagan daqiqalarda bir marta raqibni muvaffaqiyatli aldab o‘tgani, “ikkinchi qavat”dagi kurashda g‘olib chiqqani, o‘z jamoasi jarima maydonchasida xavfli vaziyatni bartaraf qilgani va sakkizta to‘p uzatishdan ettitasini aniq bajarganini qayd etdi.

160898097_4384410311569855_6504831346853920197_o

Biroq, hamyurtimiz “Yuventus” darvozasiga hujum uyushtirishda turinliklarning mashhur himoyachilari –  tajribali Jorjo Kellini va iste’dodli Matteys De Ligtning qarshiligini sindira olmadi.

Nima bo‘lgan taqdirda ham, Shomurodov o‘z o‘yini bilan boshqa klublar mutasaddilari e’tiborini qozongani bor gap. Zamonaviy futbolda butun mavsumni yuqori saviyada, boshlang‘ich tarkibda o‘tkazish hammaga ham nasib qilavermaydi. Shomurodovdan tashqari genuyaliklarning asosiy to‘purari Mattia Destro ham zaxiraga mixlanib qoldi.

Hozircha, Ballardini tajribali Goran Pandev va yosh Janluka Skamakkaga ko‘proq imkoniyat berishga qaror qilgan. Eldor Shomurodov esa, raqobatda g‘olib chiqish uchun yanada shiddat bilan harakat qilishi talab etiladi. Buning uchun legionerimiz gol urishi kerak. Balki, Eldor 18 aprel kuni safarda “Milan”ga qarshi o‘tkaziladigan bellashuvda o‘z nomini tarixga yozib qo‘yar.

Demak, Toshkent vaqti bilan 15:30 bo‘ladigan o‘yinni intizorlik va umid bilan kutamiz!

Vadim Abramov to‘purar legionerimiz o‘yinini ko‘rgani Evropaga bordi! (foto)

Ronaldu Eldorni kutmoqda. “Yuventus” Shomurodov nomzodiga qaytdi

Shomurodovga qarshi o‘ynagan Ronaldu futbolkasini nega otib yubordi?

Yangi shov-shuv! “Jenoa” Shomurodov o‘rniga Kokorinni oladi!

Fikrlar

Fikr qoldirish uchun avtorizatsiyadan o'ting!