"Yuventus" PSJ futbolchisiga qiziqib qoldi

PSJ yarim himoyachisi Leandro Paredes yana Italiyaga qaytishi mumkin.

Sky Sport Italia muxbiri Janluka Di Martsioning xabar berishicha, 26 yoshli argentinalik futbolchiga “Yuventus”dan qiziqish bo‘lmoqda. Paredes uchun A Seriya begona emas. Boisi, u faoliyati davomida “Roma”, “Empoli” va “Kevo” kabi jamoalarda to‘p surgan.

Paredes o‘tgan mavsum Frantsiya chempionatida 17 ta o‘yinda maydonga tushdi va 1 ta golga assistentlik qildi. Uning parijliklar bilan amaldagi shartnomasi 2023 yilga qadar imzolangan.