Zidan “Barselona”dan xavfsiramoqda

“Real” bosh murabbiyi Zinedin Zidan azaliy raqib “Barselona”ning yangi mavsumdagi maqsadlari haqida o‘z qarashlarini bildirdi.

- Men “Barselona”ni hurmat qilaman. Klub ichida nima bo‘layotganini bilmayman. Har bir klubda muammo va qiyinchiliklar bo‘ladi. “Barselona” tarkib jihatidan barcha sovrinlar uchun kurashadigan jamoa. Bunga shubha yo‘q, - dedi Zidan.

Ispaniya La Ligasi chempionligi uchun asosiy raqobat “Barselona” va “Real” o‘rtasida kechishi an’anaga aylangan. Avvalgi yillardan farqli o‘laroq, kataloniyaliklar joriy mavsumda yangicha tarkib bilan o‘ynaydi. Zidan esa “Real”da barqaror muhitni ushlab turibdi.