А Серия. Марказий ўйинда "Лацио" "Рома"дан устун келди. Шомуродов захирадан қўшилди

Италия А Серияси 20-тур марказий учрашуви якунланди. Рим дербисида майдон эгалари 3:2 ҳисобида ғалаба қозонди.

Учрашувнинг 10-дақиқасида Андерсоннинг узатмасидан сўнг Сергей-Милинкович Савич ҳисобни очишга эришди. Орадан 9 дақиқа ўтиб, Педро орадаги фарқни яна биттага ошириб қўйди. Бўлим якунланига яқин Ибанес ҳисобни қисқартирди. 

Иккинчи таймни Сарри шогирдлари фаол бошлади. 61-дақиқада бу ўз самарасини берди. Иммобиленинг пасидан сўнг Андерсон ҳисобни ишончли кўринишга келириб қўйди. "Бўрилар"нинг баҳсдаги иккинчи голини Верету пенальтидан киритди.

Легионеримиз Элдор Шомуродов ўйинни захира ўриндиғида бошлади ва 64-дақиқада Стефан Эл-Шаарави ўрнига тушди.

• 90+5'
  

  Учрашув якунланди. Рим дербисида мезбонларнинг қўли баланд келди.

• 90+4'

  "Бўрилар"га ҳужумда креативлик етишмаяпти.

• 90+3'

  Ҳаводан келаётган тўпни тўхтатишга қийналган Элдор уни жамоасига сақлаб қолди.

• 90+2'

  Андерсон қанотдан тўпни жарима майдонига оширди. Патрисиу ўз ўрнида.

• 90'
  

  Ўйиннинг асосий вақтига 5 дақиқа қўшилди.

• 89'
  

  Чиро Иммобиле ўз ўрнини Ведат Мурикига бўшатиб берди.

• 87'

  Карлес Переснинг рейди тўп йўқотилишига сабаб бўлди.

• 85'
  

  Верету ва Каталди огоҳлантирилди

• 85'

  Майдонда "чопди чопди" бошланиб кетди

• 83'

  Шомуродов тўпни Абрахамга узатди. Рейна чиқиб келиб, тўпни қайтариб юборди

• 82'

  Маурицио Сарри шогирдлари бугун қарши ҳужумда жуда қўрқинчли ўйнамоқда. "Рома" ҳимоячилари улгурмай қоляпти

• 80'

  ЗАРБАААА! Шомуродовнинг айланма зарбасини Рейна қайтаришга эришди. 

• 77'
  

  Заньоло ўйинни давом эттира олмайди. Унинг ўрнга Карлос Перес туширилди

• 77'
  

  Заньоло жароҳат олган кўринади. Футболчи майдонда ётиб олди. Унга тиббий ёрдам кўрсатилмоқда

• 75'

  Кталдининг жаримадан йўллаган зарбаси ҳеч кимга тегмай майдон ташқарисига чиқиб кетди

• 72'
  

  Пепе РЕЙНАААА! Заньолонинг кучли зарбасини дарвозабон қайтаришга эришди. Нималар қиляпсан, Рейна?

• 70'

  Михитарян ўткир бурчакка зарба йўллади, ноаниқ

• 69'
  

  ГОООЛ! Верету нуқтадан зарба йўллашда адашмади ва ҳисобни қисқартирди

• 68'
  

  Қарор қатъи шикоятга ўрин йўқ. ПенальтиЙ

• 67'

  Ўйин рефериси ВАРга мурожжат қилмоқда

• 67'
  

  Заньоло жарима майдони ичида йиқилди ва ҳакам 11 метрлик нуқтани кўрсатди

• 64'
  

  "Рома"да ўзгариш: Стефан Ал-Шаарави ўрнига ЭЛДОР ШОМУРОДОВ туширилди

• 63'
  

  ГООООООООООЛ! "Лацио" "Рома"ни қарши ҳужумда жазолади. Иммобила битта ҳаракат билан дарвозабон ва ҳимоячини алдади ва тўпни Андерсонга узатди. Фелиппе деярли очиқ дарвозани нишонга олишда адашмади

• 62'
  

  Ҳакам Моуриньога сариқ карточка кўрсатди

• 61'
  

  Лукас Лейва ўрнига  Данило Катальди туширилди

• 54'
  

  Бурчак тўпидан сўнг яна Ибанез бош билан зарба йўллади, бироз ноаниқ

• 50'

  Заньолонинг бош билан йўллаган зарбаси рақиб футболчисига тегиб майдон ташқарисига чиқиб кетди

• 48'

  ВААААЙ! Стандарт вазиятдан сўнг Иммобиле қулай имкониятдан фойдалана олмади

• 46'
  

  Иккинчи тайм бошланди!

• 45+1'
  

  Биринчи тайм якунланди. Абрахам жароҳат олган бўлиши мумкин. Иккинчи бўлимда Шомуродовни кутиб қоламиз!

• 43'

  "Рома" сўнгги дақиқаларда босимни оширмоқда

• 40'
  

  ГОООООООЛ! Бурчак тўпидан сўнг Ибанез бош билан гол уриб, орадаги фарқни қистартирди

• 37'

  Эл-Шаарави ноқулай вазиятда кучсиз зарба йўллади

• 36'

  Иммобиле бирга-бир вазитяга чиқиб борди ва зарба йўллади. Тўп ён томондан дарвоза тўрига бориб тегди

• 32'

  Верету стандартдан жарима майдони ичига узатмани амалга оширди. Рақиб футболчилари эса тўпни қайтарди

• 30'

  "Рома" бурчак тўпидан унумли фойдалана олмади ва  рақиб тезкор қарши ҳужумга ўтиб кетди

• 26'
  

  Бурчак тўпидан сўнг Заньоло бош билан зарба йўллади. Рейна яқин масофадан йўллаган зарбани қайтарди

• 25'

  ВУУУУҲ! Веретунинг кучли зарбасини Рейна қийинчилик билан майдон ташқарисига чиқариб юборди

• 23'

  Андерсон жарима майдони ичига кириб борди. Ибанез эса қўполлик ишлатмай ундан тўпни олиб қўйди

• 21'
  

  "Рома"да яхши имконият бўлиши мумкин эди, бироқ Тэмми Абрахам офсайда қолиб кетди

• 19'
  

  ГООООООЛ! Иммобиленинг узатмасидан сўнг Педро гол уриб, ҳисобни ишончли кўринишга келтирди

• 18'
  

  Бурчак тўпидан сўнг Брайан Кристанте бош билан зарба берди. Бироз аниқлик етишмади

• 14'

  Брайан Кристантенинг жарима майдони ичига узатган пасини ҳимоячилар қайтаришга эришди

• 12'
  

  "Рома" дарвозабони огоҳлантирилди

• 11'
  

  ГОООООЛ! Сергей Милинкович-Савич жарима майдонига яқинлашди ва Андерсоннинг узатмасидан сўнг тўпни дарвозага жойлаб қўйди

• 6'

  Стефан Эль-Шаарави рақиб футболчисини йиқитди

• 4'

  Адам Марушич тўп учун курашда жуда қўпол ўйнади

• 1'
  

  Ҳакам хуштаги янгради ва учрашувга старт берилди

• 0'

  Жамоалар майдонга чиқиб келишди

• 0'

  Легионеримиз Элдор Шомруодов мазкур беллашувни захира ўриндиғида бошлайди

• 0'

  Ассалому алайкум қадрли футбол мухлислари. Ушрашув бошланишига саноқли дақиқалар қолди. Баҳсни сизлар билан бирга камина Жалолиддин Қобилжонов кузатиб боради.