“Барса”: Бу ўйинчи сотилмайди!

Европанинг бир неча йирик клубларидан таклиф олган иқтидорли футболчи Марк Берналь фаолиятини “Барселона”да давом эттирадиган бўлди.

Бу ҳақда Mundo Deportivo хабар бермоқда.

Аввалроқ, Мадриднинг “Атлетико” клуби мутасаддилари 18 ёшли футболчининг агенти билан музокара ўтказгани ҳақида маълумот чиққан эди.

Бироқ Берналь ўз келажагини “Барселона” билан боғлагани ва бу жамоада ўзини бахтиёр ҳис қилаётгани айтилмоқда. Жамоа бош мураббийи Ханс-Дитер Флик ҳам бу ўйинчини қадрлайди ва унга ишонади.

Таъкидланишича, Каталония клуби Берналнинг кетишини ҳеч қандай ҳолатда кўриб чиқмаяпти, ҳатто ижарага бериш варианти ҳам истисно қилинган.

Жорий мавсумда Берналь барча мусобақаларда 28 та ўйинда майдонга тушиб, бешта гол урган ва битта голли узатма берган.

Берналнинг “Барселона” билан амалдаги шартномаси 2029 йил ўртасигача мўлжалланган.