“Челси” футболчисига бошқа иш топилди

Италия чемпиони “Интер” таркибини кучайтириш мақсадида “Челси”дан Маркос Алонсони трансфер қилмоқчи.

“Интер” ва “Челси” ўртасида дўстона муносабат ўрнатилган. Хусусан, миланликлар лондонликларнинг таклифини инобатга олиб, Томас Тухель орзу қилган ҳужумчи Ромелу Лукакуни Англияга қўйиб юборди.

Энди “Интер” Англиядан Маркос Алонсони олиб келмоқчи. 30 ёшли испаниялик ўйинчига Европанинг қатор клубларидан таклиф бўлаётгани ҳам бор гап.

Маълумотларга қараганда, Маркос Алонсо ички рақобатда Бен Чилуэллга имкониятни бой беряпти. Шуни инобатга олган ҳолда, бу футболчининг ўзи ҳам ёзда жамоасини алмаштиришга рози экани айтилмоқда.

Фикрлар

Фикр қолдириш учун авторизациядан ўтинг!