Денис Истомин "Президент кубоги"ни ғалаба билан бошлади

Теннис бўйича Ўзбекистоннинг энг машҳур ракетка устаси Денис Истомин Қозоғистон кортлари мезбонлик қилаётган "Президент кубоги"да қатнашмоқда.

Вакилимиз илк босқичда россиялик Ян Бондаревскийга қарши кортга чиқди. Беллашув Истоминнинг 6:3, 3:6, 6:2 ҳисобидаги ғалабаси билан якунланди. Энди Денис 1/8 финалда Украина шарафини ҳимоя қилаётган Илья Марченко билан баҳс олиб боради.

Учрашув эртага Тошкент вақти билан тахминан 10:30 да старт олиши режалаштирилган.