Иордания – Ўзбекистон. 3:0! (матнли трансляция)

Бироздан сўнг Иордания ва Ўзбекистон терма жамоалари ўртасидаги ҳалқаро ўртоқлик учрашуви старт олади. Баҳсни сайтимиз орқали матнли трансляция қилиб борамиз.

90+3. Баҳс якунланди. Терма жамоамиз йирик 0:3 ҳисобида мағлубиятга учради!

90+. Учрашувга 3 дақиқа қўшиб берилди.

86. Термамиз олдинга ўтмоқда. Бироқ бирорта ҳужум охиригача етиб бормаяпти.

83. ГОЛ! Яна гол ўтказиб юбордик. Рақиб футболчиси битта пас билан жамоадошини бирга-бир вазиятга чиқариб юборди. Ҳамза эса Суюновни осонликча ортда қолдирди.

80. Рақиб футболчилари осонликча жарима майдонимизга кириб келяпти ва зарба йўллашга ҳам улгурмоқда. Бу сафар бизни ноаниқ зарба қутқарди.

78. Сергеевда яхши вазият бўлиши мумкин эди, дарвозабон олдинга чиқиб тўпни эгаллаб олди.

76. Умаровнинг зарбаси ҳимоячига тегиб майдон ташқарисига чиқиб кетди. Бурчакдан тўпни Азиз Ғаниев ўйинга киритди. Ҳимоячилар тўпни қайтарди.

72. Шомуродов майдонни тарк этди. Унинг ўрнига Азиз Ғаниев туширилди.

67. ЗАРБААА! Азизбек Амановнинг жарима майдони ташқарисидан йўллаган кучли зарбасини дарвозан қийинчилик билан бартараф этди

65. Иордания футболчилари ҳужумга ўтишдан чарчамаяпти. Футболчиларимиздан ҳам фаоллик кутиб қоламиз

61. ВУУУҲ! Дарвоза устуни терма жамоамизни голдан қутқарди. 

60. Катанец уч футболчини алмаштирди. Достон Турсунов ўрнига Ҳусниддин Алиқулов, Иброҳимҳалил Йўлдошев ўрнига Фарруҳ Сайфиев, Ойбек Бозоров ўрнига эса Игорь Сергеев туширилди.

56. ГОЛ! Стандар вазиятдан сўнг яна дарвозамиздан тўп олиб чиқди. Ҳаволатиб узатилган тўпни Насиб Абдуллаҳ бош билан дарвозага жойлаб қўйди. Суюнов фақатгина томошабин вазифасида.

54. Достон Турсунов тўпга ташланишда пойларини чўзиб олди. Унга тиббий ёрдам кўрсатилмоқда

52. Футболчиларимиз қанотлардан кириб боришга ҳаракат қиляпти. Аммо ҳимоячилар анча ишончли ўйнамоқда.

48. Алижонов қанотдан тўпни жарима майдони ичига узатди. Ҳужумчимиз тўпни тўхтатишга хатога йўл қўйди.

46. Термамз сафида ўзгариш: Қобилов ва Ҳамдамов майдонни тарк этди. Улар ўрнига Абдуллаев ҳамда Аманов туширилди

46. Иккинчи бўлимга старт берилди!

45+2. Биринчи тайм якунланди

45+. Биринчи бўлимга 2 дақиқа қўшиб берилди.

44. Майдон марказияда Шукуров рақиб футболчисини йиқтди

43. Иордания яна ҳужумга ўтишга ҳаракат қилганди. Ҳимоячимиз ишончли ҳаракат қилди

38. Ҳамдамовнинг қаонтдан узатган пасини рақиб ҳимоячиси қайтариб юборди

34. Голдан руҳланган мезбонлар олдинга ўтишмоқда.

30. ГОЛ! Ҳимоячимизнинг қўпол хатосидан сўнг рақиб тезкор ҳужумга ўтиб кетди. Суюнов тўпга чиқиб келди, Иордания футболчиси тўпни очиқ позицияда турган шеригига узатди. Сеиф Баҳа эса қийинчиликсиз дарвозани ишғол қилди.

26. Термамизда яхши имконият бўлиши мумкин эди, бироқ ҳимоячи Умаровдан тўпни олиб қўйди

25. Шаҳбоз Умаров чап қанотда тўпни қабул қилиб олиб, дарвоза томон зарба йўллади. Ноаниқ!

22. Ҳамдамовга узатилган пас кучли чиқди. Дарвозабон тўпни эгаллаб олди.

19.Ҳамдамов ажойиб финт эвазига рақиб футболчисини алдаб ўтди. Унинг узатмасига эса аниқлик етишмади. 

18. Ўзбекистон бурчак тўпи тепиш имкониятини қўлга киритди. 

15. Шаҳбоз Умаровнинг олисдан йўллаган зарбаси ноаниқ чиқди. 

13. Иордания ажойиб ҳужум уюштирди, бироқ сўнгги паллада ҳимоячиларимиз тўпни жарима майдончамиздан узоқлаштирди. 

11. Ҳавфли зарба бўлди, бироқ ноаниқ. 

10. Рақибларимиз бу сафар яқин масофадан жарима зарбаси тепиш имкониятини қўлги киритди. 

9.Иордания бурчак тўпи тепиш имкониятига эга бўлди.

8.Ҳамдамов жарима майдонга кириб борди ва тўпни Шомуродовга узатди, бироқ ҳимоячилар ишончли ўйнади. 

6. Терма жамоамиз ҳозирча тўпга эгалик қилмоқда. 

5. Отабек Шукуров кутилмаганда ҳужумда тўпни йўқотди. 

2. Илк дақиқалардан ҳамюртларимиз олдинга ўтишга уринди. Бироқ рақиб ҳимоячилар ишончли ўйнади. 

0. Ўйинга старт берилди. 

0. Ассалому алайкум қадрли футбол ишқибозлари. Жамоалар майдонга чиқиб келмоқда.