Испаниялик журналист: "Реал" Винисиусни сотиши керак"

"El Chiringuito TV" журналисти Хуанфре Санс "Реал" вингери Винисиус Жуниорни жамоа ичида низо келтириб чиқарганликда айблаб, клубни бразилиялик футболчини сотишга чақирди.

"Мен қатъий ишонаманки, “Реал” учун энг яхши қарор — бу футболчини сотиш. Чунки “Барселона”га қарши ўйин куни у кийиниш хонасида ички низони юзага келтирди, назоратни қўлга олди ва ҳеч ким уни тўхтатмади.

Бугунги ҳаракати унинг хатоларини тан олиш усули, аммо менимча, у барча имкониятларини тугатиб бўлган. “Реал” уни яхши ўйини туфайли жамоада сақлаб қолди, бу клуб унинг хулқи учун тўлаган баҳоси эди.

У яхши ўйнаганида айрим ҳаракатлари кечириларди, аммо ишлар ёмон кетганида вазият анча салбий тус олди.

Менимча, муваффақиятсиз мавсумлардан кейин қатъий чоралар кўриш керак", — деди Санс.

Маълумот ўрнида, кеча "Реал" ўз майдонида "Алавес"ни 2:1 ҳисобида мағлуб этди. Учрашув бошида "Бернабеу" мухлислари Винисиус ва Килиан Мбаппени ҳуштакбозлик билан қарши олди. Бразилиялик вингер эса ғалаба голини урди, шундан сўнг ишора билан мухлислардан узр сўради ва клуб эмблемасини ўпди.