Ўртоқлик учрашуви. Ҳимоячиларнинг хатоси, Шомуродовдан гол – Катанецнинг дебюти омадсиз чиқди

Швеция – Ўзбекистон терма жамоалари ўртасидаги халқаро ўртоқлик учрашув якунланди. Мазкур баҳсда Сречко Катанец шогирдлари 1:2 ҳисобида имкониятни бой берди.

Учрашувда майдон эгалари тезкор гол киритишга эришди. Қанотдан узатилган тўпни Абдулла Абдуллаев ўз дарвозасига жойлаб қўйди. Беллашувнинг 36-дақиқасида ҳимоячиларимизнинг хатосидан сўнг Телен орадаги фарқни яна биттага оширди.

71-дақиқада термамиз ҳисобни қисқартирди. Фаррух Сайфиевнинг ажойиб узатмасини Шомуродов гол билан якунлаб қўйди. Шу тариқа, баҳс сўнггига қадар ҳисоб ўзгармай қолди.

• 90+5'
  

  Баҳс якунланди. Термамиз Катанец бошчилигидаги илк ўйинда 1:2 ҳисобида мағлуб бўлди

• 90+3'

  СЕЕЕЕЕЕЙВ! Суюнов жарима зарбасидан йўлланган кучли зарбани қайтаришгаэришди

• 90'
  

  Учрашувга 5 дақиқа қўшиб берилди

• 88'
  

  Машарипов ва Ҳамробек майдонни тарк этди. Аманов ҳамда Эркинов ўйинга қўшилди

• 85'

  Йўлдошев катта тезликда жарима майдонига кириб бориб пас берди. Қодирқулов тўпга улгурмай қолди

• 83'

  Шукуровнинг узатмаси анча ноаниқ чиқди

• 78'

  Шомуродов майдонни тарк этгач сардорлик боғичи Машариповга ўтди

• 78'

  Машарипов рақибни алдаб ўтмоқчи эди, ҳимоячи қўполлик ишлатди

• 77'
  

  Элдор Суюнов бу сафар термамизни яққол голдан қутқарди

• 76'
  

  Термамиз сафида ўзгариш: Алижонов ва Шомуродов майдонни тарк этди. Улар ўрнига Йўлдошев ва Сергееа ўйинни давом эттиради

• 75'

  ВУУУҲ! Нилсон қулай имкониятдан фойдалана олмади. Суюнов тўпга чиқишда хатога йўл қўйганди.

• 74'

  Гол ўтказиб юборган Швеция бор кучи билан ҳужумга ўтмоқда

• 71'
  

  ГОООООООООЛ! Сайфиевнинг ажойиб пасидан сўнг Шомуродов ҳисобни қисқартирди

• 70'

  Шомуродовни ҳозирча рақиб ҳимоячилари яхши қўриқлаяпти

• 65'

  Шукуровдан навбатдаги зарба ва дарвозабон ўз ўрнида

• 64'

  Машарипов қанотдан тўпни узатди, лекин футболчиларимиздан ҳеч ким тўпга ета олмади

• 62'
  

  Швецияда ўзгариш: Куайсон, Йоханссон майдонни тарк этди. Сундгрен ва Ларссон туширилди

• 61'
  

  Дарвозабонга нисбатан ҳужумда фол ишлатилгани учун Швециянинг голи инобатга олинмади

• 57'

  Шукуровнинг жаримадан йллаган зарбаси тўғри дарвозабоннинг қўлига бориб тушди

• 56'

  Йоханссон Машариповни тўхтатиб қолди

• 55'

  Тезкор қарши ҳужум уюгтиришимиз мумкин эди, Шомуродов тўпни узига мослаштиролмади ва ҳужум тўхтаб қолди

• 53'

  Тўп қайта ўйинга киритилди. Олсоннинг бу сафарга зарбасига бироз аниқлик етишмади

• 52'
  

  Жонли девор ўрнатилмай туриб, Олсон тўпни ўйинга киритгани учун огоҳлантирилди

• 51'

  Ҳамробеков қоида бузди. Жарима майдонимиз яқинида хавфли вазият бўлиши мумкин

• 50'
  

  Икромов ўрнига Қодирқулов майдонга туширилди. Шунингдек, Бозоров ўйинданг олинда ўрнига Аброр Исмоилов тушди

• 48'

  Икромов ўйинни давом эттира олмайдиган кўринади

• 47'
  

  Фарруҳ Икромов жароҳат олиб майдонда ётипти

• 46'
  

  Иккинчи тайм бошланди!

• 45'
  

  Биринчи бўлим якунланди. Ҳозирча 0:2 ҳисобида мағлуб бўляпмиз!

• 44'

  Шомуродов тезликда жарима майдонига кириб борди ва якунда тўпни узидан узоқлаштириб юборди

• 40'

  Бозоров чиройли ҳаракат билан ўтиб кетмоқчи эди, ҳимоячи уни тўпсизлантирди

• 36'
  

  ГОЛ! Термамиз иккинчи голни ўтказиб юборди. Карлсоннинг узатмасидан сўнг Телен тўпни дарвозага жойлаб қўйди. Ҳимоячиларимиз бу вазиятда "ухлаб" қолди

• 31'
  

  Терма жамоамизда яхши имконият бўлиши мумкин эди, бироқ Фаррух Икромов ўйиндан ташқали ҳолатда қолиб кетди

• 27'

  Швеция жонланди. Рақиб узоқ танафусдан сўнг олдинга ўтишни бошлади

• 23'

  Машариповни тўпни Бозоровга қолдирди. Ойбек зарба беришга улгурмади. Сўнгги палада рақиб ҳимоячиси тўпни қайтариб юборди

• 21'

  Бурчак тўпидан сўнг Отабек Шукуров зарба йўллади. Тўп тўғри дарвозабоннинг қўлига бориб тушди

• 20'
  

  Бозоровннг узатмаси ҳимоячига тегиб майдон ташқарисига чиқиб кетди

• 19'

  Фарруҳ  Сайфиевнинг узатмасини дарвозан қайтарди. Қайтган тўпни Алижонов қабул қилиб, зарба йўллади. Афсус унинг зарбаси кучсиз чиқди

• 15'

  Абдулла Абдуллаев майдон марказида фол ишлатди

• 13'

  Чиройли комбинациядан сўнг Бозоров дарвозага зарба йўллади, дарвозабон қийинчиликсиз эгаллаб олди

• 11'

  ВАААЙ!! Суюнов тўпга чиқишда хатога йўл қўйди. Яхшиямки бахтимизша ҳимоячимиз тўп йўлига отилди.

• 9'

  Машариповнинг жарима майдони ташқарисидан йўллаган зарбаси анча ноаниқ чиқди

• 6'
  

  ГОЛ! Учрашувда ҳисоб очди. Қанотдан узатилган тўп Абдулла Абдуллаевга тегиб дарвозадан жой олди.

• 4'
  

  ВУУУҲ! Швеция футболчисининг узатмаси зарбага айланиб кетди, Суюнов қийинчилик билан буни бартараф этди

• 2'

  Ҳозирча Швеция терма жамоаси тўпни назорат қилмоқда

• 1'
  

  Учрашувга старт берилди. Тўни мезбонлар ўйинга киритди

• 0'

  Майдонда Ўзбекистон Республикаси мадҳияси янграмоқда

• 0'

  Икки терма жамоа аъзолари майдонга чиқиб келмоқда

• 0'

  Ассалому алайкум қадрли футбол мухлислари учрашув бошланишига саноқли дақиқалар қолди