"Реал" фақат иккита шарт билан Родрини ўз сафига қўшиб олиши мумкин

Мадриднинг "Реал" клуби "Манчестер Сити" футболчиси Родрини ўз сафига қўшиб олиш фикридан воз кечмаган. 

"Defensa Central" нашрининг берган маълумотига кўра, "шаҳарликлар" етакчиси ҳали ҳамон "қаймоқранглилар"нинг келгуси ёздаги асосий трансфер мақсадларидан бири бўлиб турибди. Лекин "қироллик клуби" фақат иккита шарт билан бу трансферга уриниб кўриши мумкин. Биринчиси хавбек Испания терма жамоаси таркибида жорий йил бўлиб ўтадиган мундиалда ўзининг жисмоний тайёргарлигини исботлаши керак, иккинчиси эса футболчининг нархи 50 миллион евродан ошмаслиги лозим. 

Ҳозирда 29 ёшли футболчининг "трансфермаркт" порталидаги нархи 65 миллион еврони ташкил этади. Унинг клуби билан амалдаги шартномаси 2027 йилнинг ёзигача мўлжалланган. 

Маълумот учун, испаниялик футболчи жорий мавсум Гвардиола қўл остида 29 та учрашувда майдонга тушиб, 2 та гол киритишга эришди.