“Реал” собиқ скаути: “Винисиуснинг мияси машғулот қилишга бўйсунмаётганга ўхшайди”

"Реал Мадрид"нинг собиқ скаути Маноло Ромеро жамоа Чемпионлар лигасидан чиқиб кетганидан сўнг клуб ҳужумчиси Винисиус Жуниорни танқид қилди. Эслатиб ўтамиз, "Реал" Чемпионлар лигаси чорак финалида "Бавария"га 4:2 ҳисобида имкониятни бой берганди.

"Нечта кўрсатувдан бери айтяпман, вазиятларни гол билан якунлаш устида ишлаш керак, мия устида ишлаш керак. Унинг мияси машғулот қилишга бўйсунмаётганга ўхшайди. Бу ҳақиқат", - дея Ромеронинг сўзларини келтиради Cadena Ser.

Жорий мавсумда Винисиус "Реал" сафида барча мусобақаларда 47 та ўйин ўтказиб, 17 та гол ва 14 та голли узатмани амалга оширди. Унинг клуб билан шартномаси 2027 йилгача мўлжалланган.