Роналду МЮдан кетади. Унга Англиядан иккита суперклуб харидор

“Манчестер Юнайтед” тўпурари Криштиану Роналду жамоадаги вазиятдан норози ва ёзда клубни тарк этишга тайёргарлик кўрмоқда. Португалиялик юлдуз ҳозирги таркиб билан бирорта совринни қўлга киритиб бўлмаслигига амин бўлди.

Маълумотларга қараганда, Роналдуга Англия чемпионатининг ўзидан қудратли харидорлар бор. “Манчестер Сити” ёзда бу ўйинчидан қуруқ қолганди ва Хосеп Гвардиола Роналдуни келаси трансферлар вақтида қўлга киритиши мумкин.

Роналдуни ўз сафида кўрмоқчи бўлаётган иккинчи жамоа “Челси”дир. “Аристократлар” ҳар қандай жамоада кўп гол ура оладиган ўйинчининг хизматига эҳтиёж сезмоқда.

Криштиануга “Барселона” ва ПСЖдан ҳам таклиф бўлаётгани вазиятни кутилмаган томонга ўзгартириб юбориши мумкин.