SPORTS.uz Белград-2021. Бокс терма жамоамиз мураббийи ўзбекистонликлардан ғалабалар олиб қўйилаётгани, ҳалоллик йўқолгани ҳақида кескин фикрлар билдирди

Сербиянинг Белград шаҳрида бокс бўйича эркаклар ўртасидаги жаҳон чемпионати ҳал қилувчи паллада. Мусобақада нимчорак финаллар якунланди. Энди навбат чорак финалларга.  

Бир неча дақиқа аввал Саиджамшид Жафаров (-75 кг) таиландлик Вирапон Жонгжохо билан рингга кўтарилди. 

Жангда устунликка эришган ҳамюртимиз ҳакамлар қарорига кўра мағлуб бўлди, деб топилди. 

Ушбу мағлубиятдан сўнг Ўзбекистон бокс терма жамоаси катта мураббийи Раҳматжон Рўзиохунов SPORTS.uz сайтига ўз фикрларини билдирди.

- Мағлубият сабаби? Чунки ҳакамлар назоратчиси таиландлик эди. Мен биринчи раунддан сўнг, 3:2 ҳисоби келганидан билдим. 5:0 берилиши керак эди. Иккинчи раунд уларга берилди 3:2. Биз иккинчи ва учинчи раундни ютдик. Охирги раунд 4:1 ҳисобини таиландлик боксчига беришди. Кейин мен бош мураббийга улар бизни алдаётганини айтдим. Марат Қурбонов биз ютаётганимизни айтди. Бироқ ҳакамлар очкони бизга бермаяптику. Яна қандай қилиб ишлаш керак, яна қандай ютиш керак. Кечаги жангда ҳам ҳакамлар ғалабани бошқаларга бериб юборишди. Шаҳобиддин Зоиров, Ҳасанбой Дўсматовнинг ғалабаларини бериб юборди. Хатто протестимизни кўриб чиқмаяпти ҳам. Мана Одилни жанги бўйича протест бердик, кўриб чиқинглар деб. Улар йўқ, сизларга очко бермоқдамизку, деб жавоб беряпти. Бизники кўрилмайди, деб айтди. Унда умуман боксни ўтказиш керак эмас. 

Нега Ўзбекистон термасига бундай муносабатлигини билмайман. Лекин ўзимиз ҳайрон қоляпмиз. биринчи жангдан энг етакчиларимизни олиб ташлашди. Ўйланиб қолдик. Боксчиларимиз руҳий томондан ҳамма нарсага тайёр эди. Саиджамшид умуман ютқазгани йўқ. 3 раунд ютди. Протестни кўриб чиқмаса нима кераги бор. Ҳалол ўйин қилиш керак. Тўртда жангдаги ғалабамизни олиб қўйишди. Агар воқеалар шундай давом этса, ярим финал ва финал осон бўлади. Шунда ҳаммаси чемпион бўлади, - деди Раҳматжон Рўзиохунов.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Фикрлар

Фикр қолдириш учун авторизациядан ўтинг!
Oybek Maxammadiyev
02/11/2021 21:08
Bu terma jamoamas. Bular hammasi yutqazadi.nega shunchalik yengil qarashadi Joxon chimpionatidek
Saxobiddin Ne'matjonov
02/11/2021 22:28
Qanday qarashsin?! U yerdagi bollar bu yerda chempion bo'gan bollar. Eng kuchlisini olib boradimi axir?! Nima, yo bizda tayson meyvezerlar taklanib yotipti ekanmi?! Borimiz shu. Bu bollar ham turnir ko'rib tajriba to'plashi kerakmi axir.
Keyin, hakamlarda gap aniq bor! Shubxasiz. Chopishyapti bizikilarni. Eng kami 4tasini chopishti. Minde qarasa amerika pamerikasigayu yaponiyasigayu e kimiga bo'sayam "non qomayaptida". Sekin bu tarafdan ...lik qilishyapti. Eee o'sha seni jahon chempionatingayam ...qoyil qomadim
&
Бухорий Шариф
02/11/2021 20:50
Онангни қози қилса дардингни кимга айтасан дегани шу бўлса керакда....