SPORTS.uz Белград-2021. Қозоғистонлик боксчилар катта миқдордаги пул мукофотлари билан тақдирланади

Сербиянинг Белград шаҳрида бокс бўйича эркаклар ўртасидаги жаҳон чемпионати якунланди. 5-6 ноябрь кунлари финаллар ўтказилди, 13 та вазн тоифасида ғолиб ва совриндорлар аниқланди.

Мусобақада Қозоғистон терма жамоаси 5 та медални қўлга киритди (2 та олтин, 2 та кумуш ва битта бронза). Натижада қозоғистонликлар умумжамоа ҳисобида Кубадан сўнг иккинчи ўринни эгаллади.

AIBA ташкилоти ғолиб ва совриндорларга мукофот пулларини эълон қилганди. Унга кўра 1-ўрин соҳиби 100 минг, 2-ўрин эгаси 50 минг ва 3-ўринни банд этган боксчи 25 минг АҚШ долларига эга бўлади.

Шунингдек, Қозоғистон бокс федерацияси президенти Кенес Ракишев чемпионларни 70 минг АҚШ доллари, кумуш медаль соҳибларини 50 минг AҚШ доллари ва бронза медали эгасини 30 минг AҚШ доллари билан тақдирлайди. Бу ҳақда Қозоғистон бокс федерацияси расмий сайтида хабар берилди.