Турсунбай Кулаҳмет навбатдаги нокаутли ғалабасини нишонлади (видео)

Бироз олдин Қозоғистоннинг Алмати шаҳрида профессионал бокснинг супер ярим ўрта вазн тоифасида (-69,8 кг) WBC International камари эгаси Турсунбай Кулаҳмет (4-0, 3КО) ўзининг Алексей Евченкога (19-15-2, 8КО) қарши жангини ўтказди. 10 раунд қилиб белгиланган баҳсда Кулаҳмет рақибидан яққол устунлик қилиб, сўнги раундда уни техник нокаут эвазига мағлуб этди. 

Эслатиб ўтамиз, Кулаҳмет ҳозирда Британиянинг МТК Global промоутерлик компанияси мижози ҳисобланади. У 7-жангига қадар чемпионлик камари учун рингга кўтарилиши режа қилинган. Ушбу вазн тоифасида ҳамюртимиз Исроил Мадримов WBА рейтингида пешқадамлик қилмоқда. Кулаҳмет ва Мадримов ҳаваскор боксда 2 бора тўқнаш келган. Ҳозирча ҳисоб 1:1. Улар ўртасидаги 3-жанг профессионал боксда бўлиши эҳтимоли йўқ эмас.