УЕФА "Барселона"нинг судьялик бўйича шикоятини рад этди

УЕФА "Барселона" клуби томонидан "Атлетико"га қарши ўйиндаги судьялик қарорлари юзасидан берилган шикоятни кўриб чиқмади.

1/4 финалнинг илк учрашуви 8 апрель куни бўлиб ўтган ва "Атлетико" 2:0 ҳисобида ғалаба қозонган.

Учрашувнинг 54-дақиқасида Мадрид жамоаси ҳимоячиси Марк Пубиль ўз дарвозабони Хуан Муссо узатган тўпга қўл билан тегиб кетган, аммо бош ҳакам Иштван Ковач пенальти белгиламаган. Ўйиндан кейин "Барселона" бу вазият юзасидан УЕФАга расмий шикоят йўллаган.

Бироқ 13 апрель куни УЕФАнинг этика ва интизом бўйича назорат органи мазкур шикоятни кўриб чиқиш учун қабул қилиб бўлмас деб топгани маълум қилинди.