Украина вакили Шоҳасан Мирзаматовни жангга чорлади. Улар Алматида куч синашади
Таниқли ММА жангчимиз Шоҳасан Мирзаматов 17 сентябрь куни Қозоғистоннинг Алмати шаҳрида ташкил қилинувчи "Октагон" промоушенининг навбатдаги турнирида ҳам жанг ўтказадиган бўлди.
Украиналик жангчи Максим Сорока ҳамюртимизни жангга чорлаган ва унга Мирзаматов ўзига хос тарзда жавоб бериб, уни мақсади "Октагон" промоушени чемпиони билан жанг қилиши ва уни рақиб сифатида кўрмаётганлигини билдирганди.
Бироқ, барибир бу жанг ташкил қилинадиган бўлди. Сабаби "Октагон" промоушенининг ярим ўрта вазн (77.1) чемпиони қозоғистонлик Бауржан Куанишбаевни (11-3) бошқа режалари борлиги сабаб, юртдошимиз Сорока билан жанг ўтказишга қарор қилди. Шу тариқа Шоҳасан Мирзаматов-Максим Сорока қарама-қаршилиги 17 сентябрь куни ўтказиладиган бўлди.
Эслатиб ўтамиз, Максим Сорока яна бир ММА вакилимиз Нурсултон Рўзибоевга қарши Андижонда ташкил қилинган ММА оқшомида жанг қилган ва баҳснинг дастлабки сонияларидаёқ ҳамюртимиз уни "кимура" услуби билан мағлуб қилганди.
Фикрлар