Xаверц Бундеслигага қайтиши мумкин

Лондоннинг "Арсенал" клуби ҳужумчиси Кай Xаверц Бундеслигага қайтиши мумкин.

Журналист Чарльз Уоттс маълумотига кўра, лондонликлар форвардни ёзги трансфер ойнасида сотиши мумкин. Футболчига Мюнхеннинг "Бавария" жамоаси қизиқиш билдирмоқда.

Германия чемпионлари Xаверцни "Челси"га ижарадан қайтиши кутилаётган Николас Жексон ўрнига муносиб номзод сифатида кўрмоқда.

Кай Xаверц 2023 йилда "Челси"дан "Арсенал"га 75 миллион евро эвазига кўчиб ўтган. Унинг амалдаги шартномаси 2028 йил 30 июнга қадар мўлжалланган.

Жорий мавсумда ҳужумчи "канонирлар" сафида барча мусобақалар доирасида 20 та ўйинда иштирок этиб, 5 та гол урди ва 4 та голли узатмани амалга оширди.