Ёшларимиз Чехия ва Венгрияда ўтказиладиган Европа Кубокларига жўнаб кетишди
Дзюдо бўйича Ўзбекистон ёшлар терма жамоасини яқин ўн кун давомида иккита нуфузли мусобақа кутиб турибди.
Камол Муродов мураббийлигидаги дзюдо бўйича Ўзбекистон ёшлар терма жамоасини яқин ўн кун давомида иккита нуфузли мусобақа кутиб турибди.
Аввалига 5-6 июль кунлари Чехия пойтахти Прага шаҳрида "Junior European Cup 2025" мусобақаси бўлиб ўтади. Ушбу Европа очиқ чемпионати якунланганидан сўнг Чехиянинг Нимбурк шаҳрида халқаро ўқув-машғулот йиғини ташкил этилади. Унда ёшларимиз ҳам иштирок этишади.
Шундан сўнг, Ўзбекистон ёшлар терма жамоаси 12-13 июль кунлари Венгриянинг Пакш шаҳрида ўтказиладиган "Junior European Cup 2025" турнирида юртимиз шарафини ҳимоя қилади.
Маълумот учун, Чехия турнирида 4 қитъанинг 32, Венгрия мусобақасида эса 5 қитъанинг 39 давлатидан келадиган жами 1000 нафарга яқин дзюдочилар медаллар учун татамига чиқади.
Бу ҳақда Ўзбекистон дзюдо федерацияси матбуот хизмати хабар бермоқда.
Изоҳлар (0)