"Real" - PSJ: Tomonlar necha marta to‘qnash kelgan? O‘zaro o‘yinlarda kim ustun?

Chempionlar ligasi nimchorak final bosqichiga qur’a tashlandi.

Qiziqarlisi, Chempionlik uchun asosiy da’vogarlardan "Real" va PSJ aynan shu bosqichda to‘qnash keladigan bo‘ldi. Bungacha tomonlarning yo‘li 6 bor kesishgan.

Ya’ni, 2018 yil xuddi shu bosqichda "Real" ikki o‘yin natijasiga ko‘ra 5:2 (1:2, 3:1) hisobida g‘alaba qozonib, chorak finalga yo‘l olgandi.

Shuningdek, jamoalar 2019 yilning guruh bosqichida to‘qnash kelgan va dastlabki bahs parijliklarning 3:0 hisobidagi g‘alabasi bilan tugagan. Javob o‘yinida durang qayd etilgan, 2:2.

Yana ikki o‘yin 2015/16 yilgi mavsum guruh bosqichiga to‘g‘ri keladi. O‘shanda madridliklar birinchi bellashuvda murosa ko‘chasini tanlagan bo‘lsa, ikkinchi uchrashuv "qirollik klubi"ning 1:0 hisobida zafar quchgan.

Umumiy hisobda "qaymoqranglilar" 3, PSJ 1ta g‘alabaga erishgan, qolgan 2 o‘yinda kuchlar teng kelgan. "Real" 8ta, Parij klubi 7ta gol urgan.

Dastlabki o'yinlar 2022 yilning 15-16 va 22-23 fevral kunlariga, javob o'yinlari 8-9 va 15-16 mart kunlariga belgilangan.