Конте: "Кварацхелия жамоани тарк этишни истаяпти"

"Наполи" футболчиси Хвича Кварацхелия жамоани тарк этишни истамоқда. Буни неаполликлар бош мураббийи Антонио Конте ҳам тасдиқлади. 

"Хвича клубдан кетишни сўрамоқда. Мен у билан гаплашдим ва жамоани тарк этишни хоҳлаётганини айтди", - дейди италиялик мутахассис. 

Кварацхелия учун ҳозир жиддий курашаётган жамоа бу ПСЖ бўлиб турибди. Тез орада музокаралар бошланишини мумкин. Хвичанинг айни пайтдаги трансфер нархи 85 миллион еврони ташкил қилади. 

Маълумот учун, грузиялик футболчининг "Наполи" билан 2027 йилгача амал қиладиган шартномаси бор. Вингер ушбу мавсум клуб таркибида 19 та ўйинда майдонга тушиб, 5 та гол урди.