Беллингем: "Арсенал" бизга янада кўпроқ гол уриши мумкин эди"

Хабарингиз бор, тунда Микель Артета бошчилигидаги "Арсенал" Лондонда Мадриднинг "Реал" клубини қабул қилиб, йирик 3:0 ҳисобида мағлубиятга учратди. Ушбу беллашувдан сўнг "қаймоқранглилар" ярим ҳимоячиси Жуд Беллингем бўлиб ўтган учрашув ҳақида ўз фикрлари билан ўртоқлашди.

"Факт шундаки, биз ижобий натижага умуман яқин эмасдик. "Арсенал" жуда яхши ўйнади.

Албатта, иккита гол жарима зарбасидан киритилди ва бу – юқори даражадаги шахсий маҳорат натижаси. Лекин ростини айтсам, улар яна гол уриши мумкин эди. Биз фақат учта гол ўтказиб юборганимизга ҳам шукр қилишимиз мумкин" – дея таъриф бериб ўтди англиялик хавбек. 

Маълумот ўрнида, ушбу икки клуб ўртасидаги жавоб беллашуви 16 апрелдан 17 апрелга ўтар кечаси соат 00:00 да бўлиб ўтиши режалаштирилган.