"Ал-Ҳилол" Винисиус учун 800 миллион сарфламоқчи

Саудия Арабистонининг "Ал-Ҳилол" клуби раҳбарияти ҳозирда "Реал" ҳужумчи Винисиус Жуниорни ўз жамоасида кўришни истайди. Бу ҳақда "Sports Zone" хабар бермоқда.

Манбанинг хабарига кўра, Саудия клуби 24 ёшли ҳужумчининг агентлари билан боғланган. “Ал-Ҳилол” бу келишув учун 800 миллион евро сарфлашга тайёр. Бу суммага ҳужумчининг трансфер қиймати, маоши ва бонус тўловлари киради.

Эслатиб ўтамиў, Винисиуснинг "қаймоқранглилар" билан шартномаси 2027 йилнинг ёзига қадар амал қилади. Футболчининг трансфер қиймати 200 миллион еврога баҳоланмоқда.