Месси “Барса”дан тамомила юз ўгирди

Футбол жамоатчилиги вакиллари орасида саккиз карра “Олтин тўп” соҳиби Лионель Мессининг “Барселона”га қайтишини кутаётганлар ҳам кўп.

Sport.es эса, аргентиналик юлдуз собиқ жамоасидан тамомила юз ўгиргани ва ҳеч қачон бу клубга қайтмаслиги сабаблари ҳақида ёзди.

Манбага кўра, Лионель Месси айни пайтда “Барселона”нинг Жоан Лапорта бошчилигидаги раҳбарияти билан ҳамкорликни қилишни истамаяпти. Лео “Барселона” либосида рамзий учрашувларда ҳам иштирок этмаслигини билдирган.

37 ёшли ҳужумкор футболчи фаолиятининг катта қисмини “Барселона”да ўтказган. Бироқ Жоан Лапорта даврида, яъни 2021 йили Месси Каталонияни тарк этиша мажбур бўлди. Кейинчалик икки йил ПСЖ шарафини ҳимоя қилган ўйинчи 2023 йилдан бери “Интер Майами”да тўп тепиб келмоқда.