Рўзиқул Бердиев: "Очко йўқотишга муносиб ўйнадик"

Суперлиганинг 8-туридан ўрин олган “Хоразм” – “Насаф” (1:1) учрашувидан кейинги матбуот анжуманида меҳмонлар бош мураббийи Рўзиқул Бердиев матбуот анжуманида қатнашди.

- Биз бугун очко йўқотишга ҳақли эдик. Ўзимиз ўйлаган ўйинни кўрсата олмадик. Менимча, рақиб кўпроқ вазият яратди ва биздан яхшироқ кўринди. Балки йигитларимизни руҳий тарафдан бу ўйинга тайёргарлиги яхши бўлмагандир. Бугунги очко йўқотишимизни бир неча омиллари бор. Яна қайтараман: биз очко йўқотишга муносиб ўйнадик.

- “Хоразм” жамоасини кузатиб борасиз. Жамоа ҳақидаги фикрларингиз қандай?

-  Тажрибали жамоа йиғилди. Таркибдаги барча футболчилар яхши даражада ўйнашган. Бугун ҳам исботлашди. Менимча, уларга тушуниши учун озгина вақт керак. Уларни ўйини яхшиланиб боради. Чунки тажрибали футболчилар менимча ўз даражасини кўрсата олади. Хоразмга ҳам футбол қайтгани жуда ҳам ёқимли. Агар жамоа ўз уйида ўйинларини ўтказса бу янада ёқимли ва мухлислари учун ҳам яхши бўлади.