Ҳаким Фузайлов "Насаф"дан очко тортиб олганидан сўнг нима деди?

“Хоразм” – “Насаф” (1:1) учрашувидаги кейинги матбуот анжуманининг иккинчи қисмида урганчликлар бош мураббийи Ҳаким Фузайлов шундай деди:

“Биз ўтган йилги чемпион – “Насаф” билан ўйнадик, жуда яхши жамоа. Ушбу турда тўқнаш келяпмиз. Чемпионатда совриндорлар қаторида бормоқда. Албатта, қийин ўйин бўлди. Биринчи ўринда футболчиларга миннатдорчилик билдираман. Охиригача ҳаракат қилишди, кўп ҳам вазиятлар ўхшамади. Чунки рақиб “Насаф” жамоаси эди. Булар чемпионликка даъвогарлик қилмоқда. Биз ўйиндан қониқдик. Бугун ютишимиз ҳам, ютқазишимиз ҳам мумкин эди. Якунда дуранг бўлди. Йигитлар жуда яхши ҳаракат қилишди, бунинг учун яна бир бор катта раҳмат айтаман. Чарчашди, тезроқ тикланиб, ишлашда давом этамиз.

Ҳозир катта бўлмаган танаффус бор. 11 май куни “Навбаҳор” билан ўйнаймиз. Тезроқ тикланишимиз керак. Ўйинга яхши тайёрланиб, ўйинимизни яхшилашга ҳаракат қилаимз. Бу ҳафтада йигитларни ҳолати ёмон бўлмади. Тиғиз график бўлгани учун чарчоқ сезилди. Шунинг учун тезроқ тикланиб, кейинги ўйинга пухта тайёргарлик кўриш керак”.