Тезкор расмий хабар: Мбаппе шифохонага ётқизилди

“Реал”нинг энг зўр тўпурарига айланган Килиан Мбаппе АҚШ мезбонлик қилаётган клублар ўртасидаги жаҳон чемпионатининг биринчи турида “Ал-Ҳилол”га қарши учрашувни ўтказиб юборган эди.

“Қироллик клуби” расмий сайтининг маълум қилишича, франциялик футболчи АҚШда шифохонага ётқизилган.

-  Ўйинчимиз  Килиан Мбаппе ўткир гастроэнтеритдан азият чекмоқда. У қатор текширувлардан ўтиш ва даволаниш учун шифохонага ётқизилди, - дейилади клуб баёнотида.

“Реал” янги форматда ўтказилаётган жаҳон чемпионатининг иккинчи турини Мексиканинг “Пачука” клубига қарши ўтказади. Бу баҳс 22 июнга қўйилган. Мбаппе бу беллашувда ҳам қатнаша олмаслиги мумкин.