Дзюдо. Ўсмирларимиз Осиё кубогини супер тарзда бошлашди

Қозоғистоннинг Алмати шаҳрида дзюдо бўйича ўсмирлар ўртасида Осиё кубоги бошланди. 

Балуан Шолак аренаси мезбонлик қилаётган ушбу мусобақада 4 қитъанинг 10 давлатидан келган жами 459 (292 ўсмир, 167 қиз) нафар дзюдочи медаллар йўлида баҳс олиб бормоқда. 

Алматй Cадетс Асиан Cупс 2025 турнирининг илк куни ўғил болалар -50, -55, -60, -66 кг, қизлар эса -40, -44, -48 ва -52 кг вазн тоифаларида татамига чиқишди. Катта таркибда мусобақада иштирок этаётган ўзбекистонлик дзюдочилар илк кунги беллашувларда 4 та олтин, 6 та кумуш, 6  та бронза медалини қўлга киритишди. Ўзбекистон терма жамоаси жами 16 та медал билан биринчи кунги баҳслар якуни бўйича умумжамоа ҳисобида 1-ўринни эгаллаб турибди.  

Осиё дзюдо иттифоқи вице-президенти, Ўзбекистон дзюдо федерацияси раиси Азизжон Камилов Алматидаги мусобақани бевосита аренадан кузатиб бормоқда. Бу медаллар учун курашётган кадетларимизга қўшимча далда бўлмоқда.

Бу ҳақда Ўзбекистон дзюдо федерацияси хабар бермоқда.